ପିଲାଦିନ ସ୍ମୃତି

ସ୍ମୃତି ଆଜି ସବୁ   ଅଫେରା ରାଇଜେ

   ଭାବିଲେ ମନେ ନ ଆସେ

ବୟସର ଛାପେ   ମଉଳି ଗଲାଣି

    ସ୍ପଷ୍ଟ କିଛି ସେ ନ ଦିସେ ॥

ଗାଆଁ ନଦୀକୂଳ  ସାଙ୍ଗ ସାଥି ମେଳେ

     କେତେ କଣ ଘଟୁଥିଲା

ଗାଆଁ ତୋଟା ମାଳେ ଜାମୁ ଆମ୍ବ ଗଛେ

    ଲୁଚି ଖାଇବାର ପାଲା ॥

ପୁନେଇଁ ପରବେ   ଭିନ୍ନ ମଉଛବେ

    ବିବାହ ବ୍ରତ ଭୋଜିରେ

କେତେ ପୁଣ୍ୟକର୍ମେ ଲୋଡ଼ା ହେଉଥିବା

   ବାଲ୍ୟଲୀଳା ଭୋଜନରେ ॥

ଟିଉସନ ମାଡ଼     ବିଦ୍ୟାଳୟ ଛାଟ

    ଜୀବନ ଅମୃତ କଲା 

କେତେ ରାଗ ରୁଷା  ଅପଡ଼, ଆପୁଡୁ

    ସବୁ କିଛି ସ୍ମୃତି ହେଲା ॥

ସତରେ ସମୟ   ଏଡେ ନିଷ୍ଠୁରତୁ

   ସ୍ମରଣେ ନ ଆସୁ ତୁହି

ପିଲାଦିନର ସେ   ହସକାନ୍ଦ କଥା

   ଝାସ୍ପା ମନେ ପଡ଼ୁ କାହିଁ ?