Library
Profile
ଆଜିର ମଣିଷ
ଆଜିର ମଣିଷ
ବିଜ୍ଞାନୀ ମଣିଷ ଆକାଶେ ଉଡୁଛି
ସାଗର ଗରଭୁ ରତନ ଖୋଜୁଛି
ପାତାଳ ଫୁଟାଇ ଚାଲି ଶିଖିଲାଣି
ସାରା ପୃଥିବୀକୁ ଟିପେ ରଖିଲାଣି
କାମକ୍ରୋଧ ଲୋଭ ମାୟାମୋହେପଡ଼ି
ଶ୍ରେଷ୍ଟତ୍ଵ ଜନମ ଦେଇ ଅଛି ହୁଡ଼ି
ପୂର୍ବ କର୍ମ ଫଳ ଏବେ ସେ ଭୋଗଇ
ବିପରିତ କରି ଶାନ୍ତି ସେ ଖୋଜଇ
ଆଜିର ମାନବ ଅବଟେ ଚାଲୁଛି
ସ୍ଥାନ କାଳ ପାତ୍ର ଭୂଲି ସେ ଯାଉଛି
ଅସତ୍ୟ ପଥରେ ପାଦ ଥାପୁଅଛି
ନିଜଗୋଡ଼େ ନିଜେ ଚୋଟ ମାରୁଅଛି
ଆଗରେ ବିଶ୍ଵାସ ପଛେ ଅବିଚାର
କଳାମୁଣ୍ଡିଆର ହେଲାଣି ବେଭାର
ନିଜ ସ୍ଵାର୍ଥ ପାଇଁ ହୋଇ ଯାଏ ଅନ୍ଧ
ମାନବିକତାରୁ ବହେ ମନ୍ଦ ଗନ୍ଧ
ବିଳ
ାସ ବ୍ୟସନେ ବିତାଉଛି ଦିନ
ପାଦେ ଦଳି ଦେଇ ସବୁ ନୀତି ମାନ
ବିଦେଶୀ ସଭ୍ୟତା ସଂସ୍କୃତିକୁ ନେଇ
ସ୍ନେହ ପ୍ରେମ ପ୍ରୀତି ଦେଉଛି ଦୂରେଇ
ଯନ୍ତ୍ର ପ୍ରେମେ ଆଜି ମତୁଆଲ ହୋଇ
ଶ୍ରେଷ୍ଠତା ପଣକୁ ଦେଲାଣି ହରାଇ
ଧର୍ମଶାସ୍ତ୍ର କଥା ଭୁଲି ସେ ଗଲାଣି
ହସେ ପାପ ପୁଣ୍ୟ କଥା ଆଜି ଶୁଣି
ସମ୍ପର୍କର ମାନେ ବୁଝେ ନାହିଁ କିଛି
ପିତାମାତା ଛାଡ଼ି ପଥର ପୂଜୁଛି
ଦିବ୍ଯଜ୍ଞାନ ଆଜି ଅଜ୍ଞାନେ ମାତିଛି
ଅନ୍ୟାୟ ଅନୀତି ପଥରେ ଚାଲୁଛି
ରେ ମୁଢ ମାନବ ଛାଡ଼ିହୀନ ଭାବ
ଧର ସୃଷ୍ଟି କର୍ତ୍ତା ଆଧ୍ୟାତ୍ମିକ ନାବ
ନୋହିଲେ ଜନମ ବିଫଳ ହୋଇବ
ଚୌରାଶୀ ଜନମ ତୋର ତୁଛହେବ ।
