ମା ଦୁର୍ଗା

ପୁଣ୍ୟ ଶରତର       ପାର୍ବଣ ଋତୁରେ 

      ମାଆଙ୍କର ଆଗମନ

ପ୍ରକୃତି ମାନବେ      ଏ ଧରା ଧାମରେ

     କରିଥାନ୍ତି ଆବାହନ ।

ମଠ ମନ୍ଦିରରେ       ବିଭିନ୍ନ ପୀଠରେ 

      ଷୋଡଶ ଉପଚାର ରେ

ଷୋହଳ ଦିନର       ପରବ ଚାଲଇ 

     ଧରାପୃଷ୍ଠେ ଆଡମ୍ବରେ ।

ମଣ୍ଡପେ ମଣ୍ଡପେ     ମୃଣ୍ମୟୀ ପ୍ରତିମା

       ଅପରୂପେ ଶୋଭା ପାଏ

ଅସତ୍ୟ ଉପରେ      ସତ୍ୟର ବିଜୟ

      ମାଆ ଆବିର୍ଭାବେ ହୁଏ ।

ନବରାତ୍ରେ ମାଆ     ଦଶମହା ବିଦ୍ୟା

      ରୂପେ ପୂଜିତ ହୁଅନ୍ତି

ଦୁର୍ଗତିନାଶିନୀ       ଶଙ୍କଟମୋଚିନୀ

       ଜଗତ ଦୁଃଖ ହରନ୍ତି ।

ମହାଗୌରୀ କାଳୀ   ଷୋଡଶୀ ଭୈରବୀ

      ଭୁବନେଶ୍ୱରୀ ଶିବାନୀ

ଛିନ୍ନମସ୍ତା ଗୋରୀ     କମଳା ମାତଙ୍ଗୀ

       ତାରା ଦୁର୍ଗା ସେ ଭବାନୀ ।

କପାଳୀ ବଗଳା    ଧୂମାବତୀ ଶିବା

     ସତୀ ଶଙ୍କର ଘରଣୀ 

ଶରତେ ପୂଜିଲେ     ଅଭିଷ୍ଟ ପୂରଣେ 

     ସୁଦୟା କରୁ ଜନନୀ ।

ଜଗତ ତାରିଣୀ       କାମ୍ପଲ୍ୟ ବାସିନୀ

      ମହାମାୟୀ ସିଂହାସନୀ

କୁପ୍ରବୃତ୍ତି ନାଶି       ସୁବୁଦ୍ଧି ପ୍ରଦାନେ 

      ଆଶିଷ ଦେ ମା ଜନନୀ ।

ହିଂସା ବାଦ କ୍ରୋଧ      ଯୁଦ୍ଧ ବିଭିଷିକା

        ଦୂର ହେଉ ସବୁ ମନେ

ଶାନ୍ତି ମୈତ୍ରୀ ପ୍ରୀତି     ବିରାଜିତ ହେଉ

         ତୋ ଆଶିଷ ମହାଧନେ ।