ଦୀନବନ୍ଧୁ

ଜଗତର ବନ୍ଧୁ କୋଟି ପ୍ରାଣ ବିନ୍ଦୁ

   ଜଗନ୍ନାଥ ନାମ ବହି

ପତିତମାନଙ୍କୁ  ଉଦ୍ଧରିବା ପାଇଁ

   ଶୀରିକ୍ଷେତ୍ରେ ଛନ୍ତି ରହି ॥

କୃପାମୟ ହରି  କରୁଣା ସାଗର

   ଦୁଃଖିଜନଙ୍କର ବନ୍ଧୁ 

ଦୀନ ଦିନ ଦୁଃଖି ଡାକିଲେ ଆତୁରେ

   ଝରିପଡ଼େ କୃପା ବିନ୍ଦୁ ॥

ଭାବର ଠାକୁର  ଭକତିରେ ବନ୍ଧା 

   ଭାବଗ୍ରାହୀ ନାମ ତାର

ତା କଳାବଦନ  ତା ଚକାନୟନ

   ଜଗତ ଦୁଃଖ ପାଶୋରା ॥

ଶରଣ ରକ୍ଷକ   ଅଗତିର ଗତି

   ଭବସିନ୍ଧୁକରେ ପାର

ତାପରି ଦୟାଳୁ  ଆଉ ଅଛି କିଏ

   ଦୀନବନ୍ଧୁ ନାମ ଯାର ॥

ଭକତର ପିତା   ଭକତର ମାତା

   ବନ୍ଧୁ ସଖା ସହୋଦର 

ତାଙ୍କରି ପଦରେ  ଶରଣ ପସିଲେ

   ଭବ ଦୁଃଖ ହୁଏ ଦୂର ।