ଆସିଛି ଶୀତ

ନୀଳ ଆକାଶେ ଉଡିଯା ତୁ ମନପକ୍ଷୀ,

ଉଡ଼ି ଉଡ଼ି ଯା',

ଆସିଛି ଶୀତ ଗାଇବା ଗୀତ

ବହୁତ ହେଦ ମଜା ।

ଦିଶୁଛି ଦୂରେ ଶ୍ୟାମଳ ନୀଳ

ପାହାଡ଼ ବନ ଲତା

ଗଛର ଡାଳେ କୋଇଲି ଗାଏ

ଗୀତ ସୁନ୍ଦର ମିଠା

ପ୍ରକୃତି ରାଣୀ ନୃତ୍ୟ ବିଭୋରା

ଦିଶୁଛି ମନ ଲୋଭା ।

ଉଡ଼ି ଉଡ଼ି ଯା'

ନୀଳ ଆକାଶେ ମନପକ୍ଷୀ ତୁ

ଉଡ଼ି ଯା ।

ପୁଚ୍ଛକୁ ଟେକି ମୟୂର ନାଚେ

ଦେଖିଲେ କଳାମେଘ

ପାହାଡ଼ ଖୋଲୁ ଝରଣା ଝରେ

ଶୀତଳ ଶାନ୍ତିପ୍ରଦ

ମନର ଦୁଃଖ ହରଣ ହେବ

ଦେଖିଲେ ବନଶୋଭା ।

ଉଡ଼ି ଉଡ଼ି ଯା'

ନୀଳ ଆକାଶେ ମନ ପକ୍ଷୀ ତୁ

ଉଡ଼ି ଉଡ଼ି ଯା ।

ଭଳି କି ଭଳି ଫୁଲ ଓ ଫଳ

ସୁନ୍ଦର ସବୁଜିମା

ଶୀତଳ ମୃଦୁମନ୍ଦ ମଳୟ

ଅଦ୍ଭୁତ ତାର ଛୁଆଁ

ହସଖେଳର ମଧୁର ବେଳା 

ସାଥି ସବୁଜ ଖୋଜା ।

ଉଡ଼ି ଉଡ଼ି ଯା'

ନୀଳ ଆକାଶେ ମନ ପକ୍ଷୀ ତୁ

ଉଡ଼ି ଉଡ଼ି ଯା ।

କାଟିବା କିଛି ବେଳ ନିର୍ମଳ

ସୁନ୍ଦର ଅବସର

ବଣଭୋଜିର ମଜା ନିଆରା

ନାହିଁ ତାହାର ତୁଲ

ପଶୁପକ୍ଷୀଙ୍କ ସ୍ୱଚ୍ଛନ୍ଦ ଗତି

ବନ ପ୍ରଶାନ୍ତି ଶଯ୍ୟା ।

ଉଡ଼ି ଉଡ଼ି ଯା'

ନୀଳ ଆକାଶେ ମନପକ୍ଷୀ ତୁ

ଉଡ଼ି ଉଡ଼ି ଯା ।