ଆମେ କେତେ ସ୍ୱାଧୀନ କେତେ ପରାଧୀନ
ଆମେ କେତେ ସ୍ୱାଧୀନ କେତେ ପରାଧୀନ
ସେଦିନର ସେଇ ସ୍ୱାଧୀନ ଭାରତ
ନାହିଁ ଆଉ ଆଜିକାଲି
ସ୍ୱାର୍ଥପରତାର ମଇଳା ରଙ୍ଗରେ
ଫିକାଫିକା ଲାଗେ ଖାଲି l
ଦୁର୍ନୀତିର ପଙ୍କେ ସର୍ବେ ଉବୁଟୁବୁ
ତେଲିଆ ମୁଣ୍ଡରେ ତେଲ
ଗରିବ ବିଚରା ଦହଗଞ୍ଜ ହୁଏ
ପର ଘରେ ଖଟି ମୂଲ l
ନାରୀ ସ୍ୱାଧୀନତା ପ୍ରହସନ ଆଜି
ଭାଷଣ ବାଜିରେ ସାର
ବିକାଶ ଏଇଠି ଅଧ ପନ୍ତରିଆ
ଯୋଜନା ପାଣିରେ ଗାର l
ପରାଧୀନ ଛାପ ଏଯାଏଁ ଯାଇନି
ଧନୀକର ଭାଉ ବେଶି
ଇଂରେଜଙ୍କ ଭଳି ସେମାନେ ଡରାନ୍ତି
ହୀନ ଚକ୍ରାନ୍ତରେ ପେଷି l
ଯୌତୁକ ଜୁଇରେ କେତେ ନବବଧୂ
ନିତି ଯାଉଥାନ୍ତି ଜଳି
ନାରୀ ନିର୍ଯାତନା କନ୍ୟାଭୃଣ ହତ୍ୟା
ଆସେ ବିଭିଷିକା ଭଳି l
ସ୍ୱାଧୀନ ହୋଇ କି ପରାଧୀନ ଆମେ
ଆଜିର ଏ ସମୟରେ
କାଗଜ କଲମେ ସେ ସବୁ ସାଇତା
ନୁହେଁ ବ୍ୟକ୍ତି ଜୀବନରେ l