ଆଖି ତୋର କଥା କହେ
ଆଖି ତୋର କଥା କହେ
ଆଖିରେ ତୋ'ସ୍ବପ୍ନ ଭରା ରାତିଟିଏ
ଓଠେ କେତେ ଯୁଗ କଥା ।
ନ କହିଲେ କିଛି ବୁଝି ମୁଁ ପାରୁଛି
ତୋ' ମନର ନିରବତା ।
କବରୀରେ ତୋ'ର ମେଘ ମହ୍ଲାର
କଳା ମେଘି ପାଟ ପିନ୍ଧି ।
ଅଣାୟତ ହୋଇ ନାଚିଲ ଯେମିତି
ପାଦରେ ନୂପୁର ବାନ୍ଧି ।
ତତଲା ବୁକୁଟା ଓଦା କରିଦେଲ
ଶୁଣେଇଁ ପୀରତି ଗାଥା ।
ତୋ'ମନରେ ଟିକେ ଦେଲେ ଜାଗାଟିଏ
ତୋଳନ୍ତି ଛୋଟିଆ ଘର ।
ସେ ଘର ଅଗଣା ସଜେଇ ଦିଅନ୍ତି
ଏଇ ଟିକି ହାତେ ମୋର ।
ଫୁଲେଇ ଜହ୍ନଟା ଶୁଣୁ ଥାନ୍ତା ଛପି
ଟୁପୁରୁ ଟାପୁରୁ କଥା ।