Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Anita Dash

Abstract Romance Others


3  

Anita Dash

Abstract Romance Others


ଆକାଶର ମହାନତା

ଆକାଶର ମହାନତା

2 mins 34 2 mins 34

ପ୍ରାଚୀ ଦିଶା ଲଂଘି ଘନଘୋର ଘଟା

ଘୋଟିଆସେ ଘନଘନ,

ପ୍ରତୀଚି ର ରବି ଘନ କାଳିମାରେ

କରନ୍ତି ଆତ୍ମ ଗୋପନ । [୧]

ପ୍ରଶସ୍ତ ସଘନ କାଳିମାର ବୁକୁ

ଧୀରେ ଧୀରେ ଚିରି ଚିରି,

ପ୍ରହ୍ଲାଦେ ପ୍ରଗଳ୍ଭ ବର୍ଷାର ବିନ୍ଦୁ

ଆପେ ଆପେ ଯାଏ ଝରି । [୨]

ପିୟୁଷ ସମାନ ବର୍ଷା ବାରିର

ମଦିରା ପାନର ଭୋଳେ,

ପର୍ଯ୍ୟାପ୍ତ ତରୁ ଲତା ରାଜି

ମତ୍ତ ସମୀର ର ତାଳେ ତାଳେ । [୩]

ପଲ୍ଲବ ଅଙ୍ଗ ଭଙ୍ଗୀ ରଚାଇ

ଆହ୍ଲାଦେ ନୃତ୍ୟ ଛଳେ,

ପ୍ରୀତି ମହ୍ଲାର ସଂଚରି ଯାଏ

ଚାତକ ର ବୁକୁ ତଳେ । [୪]

ପୁଲକ ଜଗାଏ ବିଜୁଳି ଚମକ

ବଜ୍ର ଦୁଦୁଭି ଗାନ,

ପିକ ବାରିଦ ର ଶୁଭ ମାଙ୍ଗଳିକ

ଚାଲିଛି କି ଆୟୋଜନ। [୫]

ପ୍ରିୟ ବାରି ଧାରା ସାଥେ ମତୁଆଲା

ରିମିଝିମି ସୁର ସହ,

ପ୍ରୀତି ରେ ଅଧିରା ନୃତ୍ୟରତା ପିକ

ପାଶୋରି ପ୍ରତୀକ୍ଷା ଦାହ। [୬]

ପାଣ୍ଡୁର ବର୍ଣ୍ଣା ପଲ୍ଲବ ରାଜି

ସବୁଜିମା ଫେରି ପାଇ,

ପ୍ରସନ୍ନେ ହସଇ ସୁନ୍ଦର ଧରଣୀ

ସୁଶୀତଳ ସ୍ପର୍ଶ ପାଇ । [୭]

ପ୍ରଶମିତ କରିବାକୁ ପ୍ରକୃତିର

ଗ୍ରୀଷ୍ମେ ସନ୍ତାପିତ ପ୍ରାଣ,

ପୂର୍ଣ୍ଣ ପ୍ରାଣେ ନଭ ଜଳଦ ଘଟରୁ

କରେ ଜଳଧାରା ସିଂଚରଣ। [୮]

ପ୍ରତିଦାନ ଆଶା ପ୍ରତ୍ୟାହାର କରି

ସ୍ନେହ ବାରି ଧାରା ଦାନ,

ପ୍ରତ୍ୟାଶା ନ ରଖି ପ୍ରୀତିର ଅର୍ପଣ

ଦିବ୍ୟ ନୈସର୍ଗିକ ପ୍ରେମ । [୯]

ପ୍ରହେଳିକା ନୁହେଁ ସୁନୀଳ ନଭର

ଯୁଗନ୍ତ ପ୍ରସାରି ପ୍ରେମ,

ପ୍ରାକୃତ ପ୍ରେମରେ ବିଦେହ ମିଳନ

ବୈକୁଣ୍ଠ ପ୍ରାପ୍ତି ସମ । [୧୦]

ପଂଚଭୂତେ ଗଢା ଜୀବନ ଭିତରେ

ସ୍ଥିତ ସ୍ୱ ଅଂଶ ମିଶ୍ରଣ,

ପାଇ ଉଚ୍ଚ ସ୍ଥାନ ପାଶୋରିନି ନଭ

ନିଜସ୍ୱ କର୍ତ୍ତବ୍ୟ ଜ୍ଞାନ । [୧୧]

ପୂଜ୍ୟ ଗଗନ ପ୍ରକାରାନ୍ତେ ମୂଢ

ମନୁଷ୍ୟେ ଦିଅ ହେ ଶିକ୍ଷା,

ପ୍ରମତ୍ତେ ନ ଭୂଲୁ ନିଜ ସହ ନିଜ

ବନ୍ଧୁ ପରିଜନ ରକ୍ଷା। [୧୨]


Rate this content
Log in

More oriya poem from Anita Dash

Similar oriya poem from Abstract