ଆଜି ମୋର ଖଡ଼ିଛୁଆଁ

କେମିତି ଦିଶୁଛି ଦେଏଖେ ବୋଉ,

କାମଦାମ ତୋର ସେତିକି ଥାଉ

ଆଜି ମୋର ଖଡ଼ି ଛୁଆଁ

ହାତଧରି ମୋର ସିଲଟରେ 'ଗୁରୁ'

ପାଠ ପଢ଼ାଇବେ ନୂଆ ।

ପୂଜା କରି ଗୁରୁ ନଡ଼ିଆ ପିଟି,

ଖଡ଼ି ଧରି ଦେବେ ମୁଣ୍ଡୁଳୀ କାଟି ।

ବ୍ରହ୍ମା, ବିଷ୍ଣୁ, ମହେଶ୍ବର;

ଦେଇ କହୁଥିଲା-ଏମିତି କରିକି

ବିଦ୍ୟାରମ୍ଭ ହେବ ତୋର ।

ଆଗକୁ ପାଠରେ ରଖିଲେ ଧ୍ୟାନ,

ବଢ଼ିବ ମୋହର ବହୁତ ଜ୍ଞାନ ।

ପାଇବି ସବୁରି ସ୍ନେହ;

ବଡ଼ ହୋଇ ଦେଶ ସେବା ମୁଁ କରିବି

ନାଶିବି ଲୋକଙ୍କ ଭୟ ।

ସୀମାରେ ଜଗିବି ବନ୍ଧୁକ ଧରି,

ଶତ୍ରୁ ପଳାଇବେ ଦେଖିକି ଡରି ।

ଶାନ୍ତିରେ ରହିବେ ଲୋକ;

କହିବେ 'ବିବେକ' ଆନନ୍ଦ ବାଣ୍ଟୁଛି

ଦୂର କରି ଆମ ଦୁଃଖ ।