(୨ୟ)#ଶେଷ ଗରବା ଖେଳ#
(୨ୟ)#ଶେଷ ଗରବା ଖେଳ#
ମନେ ଅଛି ନା ତମର, ମୋ ସହ ଖେଳିଥିବା,
ସେ ଶେଷ ଗରବା ଖେଳ,
ଜ୍ୟୋତ୍ସ୍ନାର ଚାଦର ତଳେ ଆଖିରେ ଆଖିରେ
ସେ ନୀରବ କୋଳାହଳ ,
କହିଥିଲି ମୁଁ, ତମକଥା ଏବେ ଭାରି ମନେପଡେ,
ରାତି କଟେ ନୀତି ସ୍ମୃତି ଧାରେ,
କି ମୋହିନୀ ମନ୍ତ୍ର, ତମେ ପ୍ରିୟା ଜାଣିଛ କୁହନା,
ଏ ହୃଦୟ କାହିଁ ଏତେ ଝୁରେ ,
ଏବେ ଏଠି ସୀମାନ୍ତରେ,ଜାଣ ଯୁଦ୍ଧ ପରିସ୍ଥିତି
ମୃତ୍ୟୁ ର ମହାସ୍ରୋତ ବହୁଛି ଯେମିତି,
ପତ୍ରଝଡା ଜୀବନେ ମୋ ପୁଣି ପତ୍ର କଅଁଳିବ
ସେକଥା ସ୍ବପ୍ନ ପରି ଲାଗୁଛି ସାଥି ,
ଅଭିମାନ କରିବନି ପ୍ରିୟା ଯଦି ଫେରି ନ ପାରିବି
ଲଢି ଲଢି ଏ ଜୀବନ ହାରି,
ମାତୃଭୂମିର ଋଣ ପରିଶୋଧର ସମୟ ଆସିଛି
ତମେ କଣ ଚାହଁ, ମୁଁ ଯାଏ ଡରି !
ଦୁଃଖ , ଦେଇ ପାରିଲିନି ତମକୁ ଏ ଜୀବନେ କିଛି,
ପ୍ରୀତି ଭରା ଏ ପ୍ରେମର ମହୀରେ,
ଭୁଲ ବୁଝିବନି ମୋତେ ଜୀବନର ଅନ୍ତିମ ସମୟେ
ହଁ ଚାଲିଗଲେ ଅଫେରା ପଥରେ ।