Library
ଶ୍ରମିକ ଭାଇ ରେ ଶ୍ରମିକ ଭାଇ
ଶ୍ରମିକ ଭାଇ ରେ ଶ୍ରମିକ ଭାଇ
ଶ୍ରମିକ ଭାଇ ରେ ଶ୍ରମିକ ଭା
ଶ୍ରମିକ ଭାଇ ରେ ଶ୍ରମିକ ଭାଇ
ତୋର ହାତେ ସବୁ ଗଢ଼ା ହୁଅଇ ।
ଶ୍ରମ କରି ଚାଲୁ ପ୍ରତି ଦିବସ
ରହି ଥାଉ ଭୋକ ଓ ଉପବାସ ।
ପିଲା ଛୁଆ ତୋର ସହି କଷଣ
ଚିର ପ୍ରପୀଡ଼ିତ ଦୁଃଖ ପରାଣ ।
ଧରି ରହି ଥାଉ ମୂଲ କୁ ଲାଗି
ଚଳି ନ ପାରିଲେ କାହାକୁ ଜାଗି ।
ଠକି ଠକି ଭଣ୍ଡି ଖାଆନ୍ତି ତୋତେ
ଗଢି ଦେଉ ତାଙ୍କ ପାଇଁ ନିରତେ ।
ରଖନ୍ତି ସତତ ବେଠିଆ କରି
ଲୋଭି ମଣିଷ ର ହାତେ ନ ମରି ।
ବଞ୍ଚାଇ ରଖୁ ତୁ ପ୍ରାଣ କଷ୍ଟ ରେ
ପୀଡା ତାପ ଘୃଣା ଲୋଭ ତାପ ରେ ।
ଜଳୁ ଥାଏ ନିତି ତୋହର ହୃଦ
ଇର୍ଷା ରେ ଜଳଇ ତୋର ମାଲିକ ।
ଅରଣ୍ୟ ରୋଦନ କରି ତା ଆଗ
କେହି ଯେବେ କେବେ କିଛି ହେ ମାଗ ।
ଭୟ ଦେଖାଏ ସେ ଅନେକ ଭାବେ
କିଛି ନ ଦିଏ କେ ଥିଲେ ଅଭାବେ ।
ସହି ଚାଲୁ ଥାଉ ଭୟ ଜୁଲମ
ସବୁ ସହି କରୁ ମାଲିକ କାମ ।
ମଜୁରୀ ପାଉଛୁ ସିନା ଅଳପ
ହସି ହସି ରହୁ କlମେ ନିରତ ।
ନୀରସ ଜୀବନେ ସୁତୀବ୍ର ଦାହ
ଦୁର୍ବିସହ କୋହ ଚାପି ଅସହ୍ୟ ।
ଖରା , ବର୍ଷା ଶୀତ ସବୁ ସହଇ
ନାନା ବିଦ୍ଧ କ୍ଳେଶ କ୍ଳାନ୍ତି କୁ ସହି ।
ଗଢି ଦେଉ ଥାଉ ଦରବ ରାଶି
ପର ଖୁସି ଚାହିଁ ହେଉ ତୁ ଖୁସି ।
