ସ୍ମୃତି
ସ୍ମୃତି
ସୁନ୍ଦର ସୁଶୀଳ ଭାରି ସେ କୋମଳ
ଚଞ୍ଚଳ ପରଜାପତି
ପାଠରେ ସାଠରେ ସବୁରେ ଆଗୁଆ
ଦେଖେ ତାକୁ ଲୁଚି ନିତି l
ସବୁ ଜାଣିଶୁଣି କାହିଁକି କେଜାଣି
ଫେରେଇ ନିଏ ନଜର
ଯେତେ ଚାହିଁଲେ ବି ଜାଣି ପାରେ ନାହିଁ
କଣ ଅଛି ମନେ ତାର l
ଭାରି ସାହସରେ କହିଦେଲି ଦିନେ
ପାଉଛି ତୁମକୁ ଭଲ
ରାଗ ଟଳମଳ ହେଇ ଦେଖେଇଲା
ଆଠ ନମ୍ବର ଚପଲ l
ଚାହୁଁନି ମୁଁ ଆଉ ପ୍ରେମକୁ ତୁମର
ଚାହୁଁଛି ତୁମ ବନ୍ଧୁତା
କିଛି କହିଲାନି ଓଠେ ଥିଲା ତାର
ଅସୁମାରୀ ନୀରବତା l
ବହୁ ଦିନ ଯାଏଁ ଝୁରି ହେଲି ତାକୁ
ଜୀବନକୁ କଲି ମାଟି
ସମୟ ସୁଅରେ ବଦଳିଲା ସବୁ
ହେଲା କା ଜୀବନସାଥୀ l
ମୁଁ ବି ମୋର ବାଟ ଖୋଜିନେଲି
ଭୁଲି ସବୁ ପଛ ସ୍ମୃତି
ହେଲେ କେବେକେବେ ମନେ ପଡ଼ିଗଲେ
ଖୋଜେ ତାର ଉପସ୍ଥିତି l