व्यथा

हलली पाळण्याची दोर

जन्माला आली पोर

काळीज झालं चर्रर्र

आईबापाच्या जीवाला घोर.

मुलगा आणि मुलगी

होई भेदभाव

वागणुकीत ही 

मिळे दुजाभाव.

उपवर होता लग्नाची घाई 

असे साऱ्या घराला

आला पहिला वर

दिली पहिल्या वराला.

नव्या वाटा,नव्या दिशा

नव्या घरी पदार्पण

पतीच्या घरी करी

स्वतःला समर्पण.

ही व्यथा आहे

सारी नारी जातीची

पतीच्या चितेवर

झोकून देणाऱ्या सतीची.

अजूनही आहे 

पुरुषांचं वर्चस्व

त्यालाच मानीत आली

स्त्री आपलं सर्वस्व.