विवाह हेच कारण

उद्या माझं आडनाव 

तुझं नाव असेल 

उद्यापासून माझं गाव 

तुझं गाव असेल || 0 ||

 

उद्या आपण एकमेकांची 

ओळख करू धारण 

आणि असं घडायला 

विवाह हेच कारण 

उद्यापासून एकांताला 

मज्जाव असेल 

उद्यापासून माझं गाव 

तुझं गाव असेल || 1 ||

 

घरची लक्ष्मी बनून उद्या 

येशील तू घरी 

माझ्यासाठी आहेस तू 

स्वर्गातली परी 

माझी किंमत कमी आणि 

तूला भाव असेल 

उद्यापासून माझं गाव 

तुझं गाव असेल || 2 ||

 

उद्या किती नवी नाती 

वाट तुझी पाहतील 

हॉल ते घरपर्यंत तुझ्या 

प्रतीक्षेत राहतील 

तुझ्या हाती सत्ता आणि 

तूला वाव असेल 

उद्यापासून माझं गाव 

तुझं गाव असेल || 3 ||

 

नशीब तुझं नशिबाला

माझ्या तू जोडून 

आणशील तू घरी 

सुखसमृद्धी ओढून 

तुझ्या पायगुणाचा 

शुभ प्रभाव असेल 

उद्यापासून माझं गाव 

तुझं गाव असेल || 4 ||