विषय:- अनवाणी पावलं

विकत घेऊन रंगबिरंगी फुगे ते

खुपदा किशोरी असतात खेळत |

त्याच वयात फुगे विकण्यास तिची

अनवाणी पावलं असतात पळत | |

हरवले तिचे बालपण नकळत

भरण्यासाठी खळगे ते पोटाचे |

म्लान झाला तो निरागस चेहरा

हरवले का हास्य तिने ओठाचे | |

ज्या वयात तिनं फुगा वा खेळणं विकत घेऊन बागडायला हवं त्या वयात चिमुरड्यांवर पोटाची खळगी भरण्यासाठी स्वत:लाच अनवाणी पावलांनी उन्हातान्हात फुगे वा खेळणी विकावी लागतात. हे सर्व करतांना त्यांचे निरागस बालपण व हास्य हरवून जाते.