विकेण्ड ची पार्टी

विकेण्ड ची पार्टी

 आली रंगात 

अंगविक्षेप करून सारे

 नाचू लागले ढंगात

 हातात बिअरच्या बाटल्या

 ओठांवर सिगारेट 

 कोणीही कोणाच्याही कमरेला

 विळखा घातलेला थेट 

डीजे च्या तालावरती

 घुसळून अंगाशी अंग

 मदहोश नजरेत 

नाचण्याचा भरला रंग 

कोण कोणाचा नवरा 

आणि कोण कोणाची बायको

 दारू मटण चिकन सिगारेट

 सारेच झालेत सायको

 कामाचा शीण घालवण्यासाठी

 म्हणे वागावे लागते असे

 नाही शिरलात कळपात

 तर होईल तुमचे हसे

फक्त तुम्हालाच असतो

 का? कामाचा स्ट्रेस

 बाकीच्यांनाही करावे लागतात

 सेम प्रॉब्लेम फेस 

सोबत आणलेली लेकरे

 आता विसरतील शुभंकरोती

 त्यांनाही असेच वाटेल की

 हीच आपली संस्कृती

 मुले करतात नेहमीच

 मोठ्यांचे अनुकरण

 आपल्या संस्कृतीचे आपणच 

ओढवून आणलय मरण