विभिन्न

ती

बाईच्या हृदयाची

पुरुषाच्या शरीराची

तरीही बाईच

ना वेगळं लिंग

ना वेगळ्या भावना

पण तरिही पुरुषी

काय असेल नेमकं वेगळं त्यात

जरा मुलीसारखी वाग

मोठं मोठ्याने हसणं

जमत नाही लाजण

तरीही कोमल हृदय 

प्रेमाचं 

समजून उमजून घेईल का तो

असेल का स्त्रीचं हृदय

त्याच्या पुरुषी शरीरात

आणि भेटतील हे कुठे

ठरवतील काय दोघात

शरीराच्या पलीकडे 

भेटतील का तिच्यातला तो

आणि त्याच्यातली ती 

आज....