तिसरा तिसऱ्याचा

जागा फक्त बदलत राहतात

एकाची दुसरा

दुसऱ्याची तिसरा

पण पहिल्याची सर ना दुसऱ्याला येते

नाही तिसऱ्याला

आणि मग कितीही कोणासाठी करा

कमीच वाटायला लागतं

अपेक्षा न ठेवता केलं

तरीही समोरच्याचं टोचून बोलणं

जास्त लागतं

मग प्रश्न पडायला लागतो

माणूस म्हणून आपण नेमकं काय जगतो?

आणि उगाच निसर्गाशी स्वतःला जोडतो?

इतकं सगळं फिरून आल्यावर मात्र

गप्प हातात झाडू घेतो...