वाट पाहतो श्रावणझुला
वाट पाहतो श्रावणझुला
किती ग सांभाळू तुला
वाट पाहतो श्रावणझुला ||ध्रु ||
अल्लड, अवखळ, तुझे वागणे
हसण्यावारी माझे सांगणे |
ऐक माझ्या बकुळ फुला
वाट पाहतो श्रावणझुला ||1 ||
नजर तुझ्यावर ठेऊ किती
'रानरेड्यांची' वाटते भीती |
आली बघ सांजवेळ
वाट पाहतो श्रावणझुला ||2 ||
किती कराविशी लाड तुझे
शहाणे, नटखट बाळ माझे |
'वहाण ' माझी होई तुला
वाट पाहतो श्रावणझुला ||3 ||
जरी तू मुलगी, नाणे खणखण
खिदळत हास्य , नाचते अंगण |
वाट वाकडी, सांभाळ फुला
वाट पाहतो श्रावणझुला ||4 ||
विद्यासंप्पन, नावलौकिक,
आदरतिथ्य, हृदयसमीप |
देश-विदेश मिळो मान तुला
वाट पाहतो श्रावणझुला ||5 ||