लाइब्रेरी
प्रोफाइल
वाट चुकून...
वाट चुकून...
1 min
233
वाट चुकून आलीस माझ्या घरी
जशी तू गुलाबी स्वप्नपरी......
आलीस तनमनाचा मदभरा मोगरा फुलवून
दिसताच तू,गेलो मनोमनी मोहरून......
वाहत होता गार वारा
अंगावर उठे शहारा......
तू श्वास रोखूनी, नेत्र मीटूनी उभी
मी पाहतो तारका आहेत का नभी....
खुळ्या मनाला कळेना
वेळ ऐन दुपारी, चक्क रहदारी.....
मी वेडा झालो होतो
मी, मी राहिलो नव्हतो....
ह्र्दयात धडधडत होते
कानशीलं तापली होती.....
माझी धुंद नजर
तुझा मुखचंद्र न्याहाळत होती....
अन्
" उठा आळसोबा उठा"
ऐकताच आईची हाक....
मुखचंद्र लपला ढगाआड
अन आली मला जाग.......
