वारी पंढरीची

वारकर्‍यांची पंढरीकडे पाऊले वळली

त्रंबकहून निवृतीनाथांची घेऊन सावली

आळंदीतून निघाले ज्ञानेश्वर माऊली

वाटेत देहुच्या तुकोबांची साथ लाभली

वाटेत घेत गोल रिंगणांची मजा

भक्तीशिवाय भाव न मनी दुजा

न करता मोठेपणाचा गाजावाजा

भेटीची आस घेऊन निघाली प्रजा

साध्य एकच, पंढरीचा कानडा राजा 

तिची गोष्टच काहिशी न्यारी

भक्तिरसात एकरूप सारी

विठुनामात दुमदुमली पंढरी

आराध्य पांढुरंग उभा विटेवरी

विशाल ठेवी मस्तक चरणावरी

सर्व विश्वात एकदम भारी

आषाढातली पंढरपूरची वारी