उंबरठा ओलांडला
उंबरठा ओलांडला
उंबरठा अडसर , स्त्रीला अडवणारा
प्रगती रोखूनी , घरी थांबवणारा
कष्ट , दुःख , अवहेलना , जीवनी कुचंबणा
स्थान तिचे वामांगी , अपमान जीवघेणा
फुले दांपत्याने केले , शिक्षणाचे खुले दार
जणू स्त्रीच्या प्रगतीचे , उघडले नवे दार
शिक्षणाने बदलले , स्त्री भवतीचे विश्व
ज्योतिबा नि सावित्रींनी , केले तिजला आश्वस्त
ओलांडूनी उंबरठा , स्त्री नव्या जगी आली
उच्च शिक्षण घेऊनिया , समबुद्धी सिद्ध केली
बुद्धीचातुर्याने तिने , समता सिद्ध केली
सर्व क्षेत्रे जिंकूनिया , वर्चस्व मुद्रा उमटवली
नवनवी कार्यक्षेत्रे , झाली कर्तृत्वास खुली ,
भूदलाचे रणांगण , अवकाश , पाणबुडी
मार्गातील कंटकांस , फटकारे उडविले
स्थान ज्याचे त्याला , त्वरे दाखवुनी दिले
नव्या युगी नववाटा , नवी आव्हाने दावती
क्षितीजही तिचे आता , विस्तारुनी उभारती
नव्या युगाची ललना , कार्यक्षम नारी आता
उंबरठा ओलांडुनिया , ती नव्या युगाची आशा.