तुला जपणार आहे
तुला जपणार आहे
धुक्यातुनी वाट शोधताना
काट्याकुट्यातूनी चालताना
वळणावर एखाद्या वळताना
मी तुला जपणार आहे
दुःखात तू असताना
चालता चालता पडताना
आयुष्याच्या खेळात हार मानताना
मी तुला जपणार आहे
तू उदास असताना
उगाच भरकटताना
वादळात तू गुरफटताना
मी तुला जपणार आहे
खोटे खोटे हसताना
दुःख दाटून रडताना
आयुष्याचा कठीण प्रवास सर करताना
मी तुला जपणार आहे
तुला जपणार आहे...