माझी नारीशक्ती (अष्टाक्षरी)

एक दिवसाचा नको

खोटा हा स्त्रीचा जागर

दूर करा अविश्वास

खाली करा ती घागर

मुक्त होऊ देत मला

घेऊ द्या उंच भरारी

बळ द्या फक्त येईल

माझ्या पंखाना उभारी

दुःख सहन करणे

विसरली आहे सारे

माझ्या प्रगतीने आता

वाहे यशाचे हे वारे

नाही राहिली हो आता

पूर्वीसम मी अबला

खूप सशक्त बनली

झाली आहे मी सबला

अंधकार दूर करी

सदा हीच नारीशक्ती

देऊ कुविचारास हो

सदासाठी आता मुक्ती