स्वतःमधल्या स्वतःलाच जिंकायचं

सर्वासारखं जगायचं नाही मला

सर्वांपेक्षा थोडं वेगळं जगायच आहे मला

यशाची उंच भरारी घ्यायला

स्वतःमधल्या स्वतःलाच जिंकायचं आहे मला

दुःख सर्वांनाच असतात

पण मला त्या दुःखाना कवटाळून बसायचं नाही

त्या दुःखावर मात करत लढायचं आहे

कारण स्वतःमधल्याच स्वतःल जिंकायचं आहे मला

राग मलाही येतो खूपदा

म्हणून मला द्वेषाला खतपाणी द्यायच नाही

एक चांगली व्यक्ती बनायचं आहे

कारण स्वतःमधल्या स्वतःलाच जिंकायचं आहे मला

इतरांच्या आयुष्यासारखीच माझ्या आयुष्यात ही वळणे येतात

पण मला त्या वळणांवर थांबायचं मात्र नाही

योग्य गती घेऊन पुढे चालायचं आहे

कारण स्वतःमधल्या स्वतःलाच जिंकायच आहे मला...