तुझं मन

काय करू असं 

जे तुझ्या मनाला भावेल 

मी पुढे असेन 

तुझं मन माझ्या मागे धावेल || 0 ||

कळत नाही कसं तूला 

प्रेम माझं दाखवू 

प्रेमाच्या या रंगात 

कसं तूला माखवू 

हृदयात तुझ्या माझं 

निर्मळ प्रेम मावेल 

मी पुढे असेन 

तुझं मन माझ्या मागे धावेल || 1 ||

प्रेम या विषयाचं 

तूच दैवत आराध्य 

तूच प्रेरणा जगण्याची 

तूच माझं साध्य 

प्रीतीची ही देवता 

माझ्या नवसाला पावेल 

मी पुढे असेन 

तुझं मन माझ्या मागे धावेल || 2 ||