Library
Profile
तुझं माझं नातं
तुझं माझं नातं
1 min
274
तुझं माझं नातं
अनोळखी तरी ओळखीचं
मनाच्या हिंदोळ्यावर
झुलणाऱ्या सोबतीचं
तुझं माझं नातं
आंबट गोड कैरीचं
जिभेवर रेंगाळणाऱ्या
आठवणीतल्या चवीचं
तुझं माझं नातं
खुदकन हसणाऱ्या खळीचं
नजरेतूनच समजणाऱ्या
हृदयाच्या नाजूक धाग्याचं
तुझं माझं नातं
उंच जाणाऱ्या झोक्याचं
आभाळाला भेटूनही
जमिनीवर टेकणाऱ्या पायाचं
तुझं माझं नातं
शांत तेवणाऱ्या समईचं
स्वतःला सतत जाळून
दुसऱ्यांना उजळण्याचं
तुझं माझं नातं
अव्यक्त अशा कवितेचं
माझ्या लेखणीतून झरणाऱ्या
शब्दांमागच्या भावनांचं
