चांगुलपणा

अवघड असतं ना स्वतःला समजावणं

प्रत्येकाच्या चौकटीत सामावून जगणं

तरीही करतात काहीजण अशी कसरत

आयुष्य जगतात स्वतःच्या मनाला मारत

जग देतं त्याला गोंडस नाव चांगुलपणाचं

मग अखंड जगावं लागतं जीवन त्यागाचं

त्यांचा त्रास कुणाला समजत नाही

समजला तरी जाणून कुणी घेत नाही

हळूहळू सवय होते अलिप्त राहून सुखी होण्याची

अन् तीही कधी कधी बळी ठरते स्वार्थी असण्याची

चांगलं वागणं इतकं अवघड होईल हे आता कळू लागतं

पण रक्तात भिनलेलं हे व्रत सोडणं आता शक्य नसतं