तुच जिवनाचे सत्य

तुच माझ्या जिवनाचे सत्य

तुझ्यावर प्रेम हे माझे आद्य

बाकी सारे आहे ते मिथ्य

प्रेमरथाचे करतो मी सारथ्य

 तु माझ्या प्रेमाचे रुप साकार

अतुट, निर्गुण अन् निराकार

तुझ्या सोबतीने जिवनाला आकार

गौण तुझ्यापुढे मनीचे विकार

सतत मनात असतो तुझाच विचार

आनंदी तुला ठेवणे, हाच माझा आचार

तुझ्या प्रेममंत्राचा निरंतर करुन उच्चार

रोमारोमात माझ्या होतो तुझा संचार

माझिया जिवना फक्त तुझा ध्यास

आयुष्यात तुझ्या दरवळेल माझा प्रेमसुवास

प्रिये, कधी ढळू नको देऊ मजवर विश्वास

जीवन समर्पित,करण्या स्वप्नवत तुझा प्रवास