ठरवायचे आहे

अव्यक्त हे असे जीणे मज सोडायचे आहे

व्यक्त व्हायचे की नाही ते ठरवायचे आहे

सोडून किनाऱ्याला मज वहायचे आहे

पोहायचे कि नाही ते ठरवायचे आहे

मी जे केले नाही ते मज करायचे आहे

नक्की काय केले नाही ते ठरवायचे आहे

निरभ्र या आकाशी मज उंच उडायचे आहे

पंख लावायचे कि नाही ते ठरवायचे आहे

जीवनाच्या धावपट्टीवर मज धावायचे आहे

सराव करायचा कि नाही ते ठरवायचे आहे

शब्दांविना कविता, करणे शिकायचे आहे

हृदयात बघायचे की नाही ते ठरवायचे आहे