लाइब्रेरी
प्रोफाइल
काळोखात सुख माझे
काळोखात सुख माझे
1 min
245
जीवनात माझ्या सदा
सुख दुःखाचा बाजार
कधी गोड कधी कडू
नाही झालो मी बेजार
दिस येतो आणि जातो
दान पदरात देतो
भूक शिकवुन जाते
कधी चतकोर खातो
वाटेवरी खुप काटे
तरी तुडवत जातो
रक्त लागेल भूईला
माझा थरकाप होतो
कोण महाली रहातो
कोण झोपडी बांधतो
माझा भूमीवर बेड
मी आकाश पांघरतो
आशा उद्याची मलाही
मीही जगतो खुशाल
काळोखात सुख माझे
शोधे घेऊनी मशाल
