आला आषाढ
आला आषाढ
1 min
233
आला आषाढ महिना
घनघोर पावसाचा
राना वनात आवाज
खळखळ हो झऱ्यांचा
ढग ओथंबून येती
वारा येई घोंगावून
सरसर पावसाची
आली सुसाट धावुन
हिरवा शालू पांघरला
रानी बहर हा आला
कोंब कोंब अंकरूनी
नवा जल्लोष हो झाला
मोर नाचाया लागला
थुईथुई जंगलात
किलबिलाट करीती
पशुपक्षी आनंदात
एकादशी आषाढाची
पायी वारी विठ्ठलाची
पावसात ओढ लागे
वारकऱ्यां पंढरेची
आषाढात मेघदूत
महाकवी कालिदास
शकुंतला दृष्यंताच्या
विवाहाचा होतो भास