तो काळ वेगळा

तू सासरी गेल्यापासुन

तुझ्या गल्लीतला गलबलाट कमी झाला ,

मी स्तब्धपणे पाहत असतो त्या हवेने हलणाऱ्या खिडकीकडे ,

की केव्हा तरी येशील तू

तिला बंद करायला ,

जेव्हा घरावरील झगमगाट

बंद होतो तेंव्हा कळत तू येणार

नाही अन् उघडझाप होणाऱ्या खिडक्या

आता बंद होणार नाही,

मला आधी तुझ्या बा ने समजावले

नंतर मित्रांनी ,

पण मी मला कधीच समजावू

शकणार नाही ,

कारण तू नेहमी म्हणायची

तू नासमज आहेस म्हणून ,

मी तेव्हा ही तसाच होतो

आजही तसाच आहे ,

फक्त तो काळ वेगळा होता

आज काळ वेगळा आहे ,