" ती "

संपूर्ण कुटुंबाची जबाबदारी पेलून

भोवतालच्या परिस्थितिशी तडजोड स्वीकारून

सगळ्या गोष्टींचा विरोध पत्करून

तारेवरची कसरत करणारी " ती "

समाजातील दुय्यम स्थान नाकारत

शोषण , जाचाला वाचा फोडत

रूढी - परंपरांना मागे पाडत

धार्मिक कायद्यांविरुद्ध न घाबरता लडणारी " ती "

शिक्षणाशी आपलं नातं जोडून

माणसिकरित्या प्रबल होऊन

अभिव्यक्तीच स्वातंत्र्य मिळवून

समानतेसाठी अविरत झटणारी " ती " 

मतदानाचा अधिकार गाजवत

सामाजिक संस्थांना हातभार लावत

भोवतालच्या परिस्थितीत सुधारणा करत

अधिक जागरूक , क्वचित संवेदनशील होणारी " ती "

कौटुंबिक हिंसेला न जुमानता

सतीप्रथा , हुंडाप्रथेला बळी न पडता

बलात्कारासारख्या निर्घुण कृत्याचा विरोध करता

अन्यायाविरुद्ध नेहमीचं उभी राहणारी " ती "

चूल - मूलच्या संकल्पनेतून बाहेर पडत

अत्याचाराविरुद्ध आवाज उठवत

खासगी अन् कामकाजी क्षेत्रांचा समतोल साधत

पुरूषी वर्चस्वाला झुगारून लावणारी " ती "

मानापमानाला न घाबरून

आलेल्या परिस्थितीशी तडजोड करून

प्रत्येक नात्याचा आदर ठेवून

प्रेम , वात्सल्य अन् ममता दर्शवणारी " ती "