तुझं ते हक्कानं रुसणं
तुझं ते हक्कानं रुसणं
तुझं माझ्यासाठी सुंदर नटणं
इशारे करून लक्ष्य वेधणं
कमरेला खेचून पदर साडीचा
जवळ येण्यास आव्हान देणं
माझं तुला क्षणभर सतवणं
राग तुझा अनावर होणं
भाव तुझ्या मनाचे जाणूनही
स्वतःवर मात्र ताबा ठेवणं
माथ्यावर केसाची बट रुळणं
पैंजनांचा आवाज कानी पडणं
तरीही प्रतिक्रिया न दर्शविता
माझं सहज कामात गुंतणं
तुझं चिडून निरखून बघणं
माझं सर्वस्वी दुर्लक्ष करणं
चुकवत माझ्या हृदयाचा ठोका
तुझं ते हक्कानं रुसणं