लाइब्रेरी
प्रोफाइल
राघू मैना
राघू मैना
1 min
1.8K
आमराई बनामधी
राघू मैनेची ती जोडी
पाड दिसता झाडाला
चाखे अमृताची गोडी ।।
नका ठेऊ पिंजऱ्यात
घेऊ मोकळाच श्वास
फिरु वनात जोडीणे
खाऊ सुखाचा रे घास ।।
सारा निसर्ग फुलला
फळे मिळता वेगळी
येतो मोहर फुलून
प्रित आमुची आगळी ।।
रानी हिरव्या झाडीत
राघू मैना राजा राणी
शाही भोजनाची चाले
मनसोक्त मेजवानी ।।
एक ताट एक घास
दोघे बिलगे पाडाला
घेती फळाचा अस्वाद
मिळे आनंद जोडीला ll
