कसे मांडू शब्दात कळेना
कसे मांडू शब्दात कळेना
प्रेम तुझे केलेस व्यक्त
अगदी सहज, मंद स्वरात
काय उत्तर देऊ समजेना
मन बुडाले खोल विचारात
भावना त्याच्या ऐकून अचंबित
उभी होते स्तब्ध, मूर्तिमंत
कशी तुझी जादू उमजेना
नकळत माझ्या चालले गुंतत
शितल चांदण्यांनी केली सोबत
कायम वसण्या प्रियाच्या हृदयात
कधीच तुझी झाले साजना
दिली कबुली लाजून प्रेमात
दोघे एकमेकांना झालो समर्पित
जीवन झाले एकरूप प्रीतित
कसे मांडू शब्दात कळेना
तुझ्या माझ्या नात्याचे गुपित