लाइब्रेरी
प्रोफाइल
वारा ही स्तब्ध होई
वारा ही स्तब्ध होई
1 min
205
आक्रंद घोर मनाचा ऐकून
आसमंत ही गहिवरून जाई
घाव न दिसणारे पाहून
सांत्वन तो मजला देई
व्रण शरीराचे निघतात भरून
पण मन अशांत राही
घर आंगण रिते होवून
साद न ऐकू येई
पिल्लासाठी ज्या घरटे बांधून
गात होते रोज अंगाई
काळाने केला घात हेरून
कोण म्हणेल आता आई
जावा जीव थकले मागून
त्यालाही नसावी काही घाई
वाईट अवस्था माझी बघून
वारा ही स्तब्ध होई
