प्रेमवेडी -संजय रघुनाथ सोनवणे

तू येण्यासाठी मी आतूर झाले

तुला पाहण्यासाठी मी स्वप्नात रंगले

तुझ्या प्रेमात मी वेडेपिसी झाले

तुझ्या स्पर्शाने मी आज सुखावले

नाते तुझे माझे कसे अवचित जडले

नकळत तू माझा झाला हे मी ओळखले

लांबसडक केसावर जडली तुझी माया

मनापासून तू अर्पिली रे काया

तूच आहेस सर्वांसाठी खरा प्रेमळ

तुझ्या भावना आहे माझ्यासाठी निर्मळ

कुणी कितीही जळू दे होणार नाही काही

तुझ्याशिवाय दुसऱ्याची मी होणार नाही

तूच माझा सखा, तूच प्राणनाथ

तू माझा जीवलग ही तुला शपथ

मी नाही लोभी फक्त फायद्यासाठी

जगाचा उद्धारकर्ता ही श्रीमंती माझ्यासाठी

प्रेम माझे आहे तुझ्यावर खरे हृदयापासून

होणार नाही वेगळी मी तुझ्या मनातून

नाती मनामनाची, सात जन्माची

अशीच राहो भावना दोन जीवांची