तहान भागली धरतीची

फळं मिळाली कर्माची

तहान भागली धरतीची

ओलीचिंब झाली काया

आठवू लागली आईची माया

थोडं मन तर थोडं पुस्तकही भिजली

पावसावरती लिहिण्यासाठी मनाची अस्वस्थता वाढली

वाऱ्यांनी दिली साथ ढगांना

काहीतरी बोलायचं होतं अबोल झाडाला

फळं मिळाली कर्माची

तहान भागली धरतीची

अंगावरती फुटत होता शहारा

छत्रीचाच हवा होता सहारा

शेतकऱ्यांना मिळाला पावसाचाच दिलासा

आता मरणार नव्हता पाण्याविना एकही मासा

अप्रतिम दिसू लागली सृष्टी

नाहून निघाली दृष्टी

फळं मिळाली कर्माची

तहान भागली धरतीची