बरसू लागले थेंब पावसाचे

विजावाऱ्याचे चालू लागले खेळ

आता नक्षत्रांचा ही लागत नव्हता ताळमेळ 

मेघराज करू लागला गरीबांची मस्करी 

कष्टकऱ्यांनाही गोड लागेना आता मीठ-भाकरी 

बरसू लागले थेंब पावसाचे 

चिज झाले शेतकऱ्यांच्या कष्टाचे 

ओला वारा काया करत होता गार 

आनंदाने बघू लागली रानावनातून ही खार

मन झाले बेभान 

विसरून सारे दुःख, न राहिले कशाचेच भान 

नभांनी ऐकली कष्टकऱ्यांची गाणी 

सुसाट वारा घेऊन आला पाऊस-पाणी 

बरसू लागले थेंब पावसाचे 

चीज झाली शेतकऱ्यांच्या कष्टाचे