तगून राहणं गरजेचं आहे

जिंकू किंवा मरू

म्हणून

खड्डयांनीं भरलेल्या

रस्त्यावर

गाडी घालायची

सवय करून घ्याच

जमेल तसं आणि तेव्हा

इच्छित स्थळी पोहचू

म्हणून टोकाचा संयम ठेवत

ट्रॅफिक जामची सवय

करून घ्या

चढायचचं आहे गर्दीत

पोहचायचं आहे

कामाच्या ठिकाणी

म्हणून जीवाची पर्वा

न करता गर्दीत

घुसायचीही 

सवय लावुन घ्या

राहायला निवारा तर हवा 

म्हणून आहे त्या पुंजीत

खुराड्यासारख्या घरात

जगण्याची

सवय करून घ्याच 

Survival of the fittest

हे म्हणे तगून राहणाऱ्या

जीवांसाठीचं 

एक सूत्र आहे

म्हणून तगून राहण्यासाठी

जीव 

धोक्यात घालणाऱ्या

सगळ्यां गोष्टींची

सवय करून घ्या