स्वयंप्रकाशित

तुजसवं काहीतरी आहे

म्हणून तो तुझा आहे 

गहिऱ्या विचारांती बघ

तू फक्त एकटाच आहेस..

गुळाच्या ढेली झुंड माशांचा

आमदार, नामदारकडे 

घोळका माणसांचा

फुलपाखरे करिती

द्रव्य शोषण पुष्पांचा

काही नसला की रं

करिती त्याग तयाचा..

तुला वाटतं की

तुझे सर्वच असतं

संकटकाली बघ

मदतीला कोणी येतं?

ही नातीगोती आपुलकी

तुमच्या वैभवापुरते रं

दारिद्र्याचे कोणी नाही

मात्र तुम्ही एकटे रं..

म्हणून एकच ध्येय

सुजाण माणसा ...!

कर्तृत्ववान असावं

यशाचा सूर्य उगवतोच

स्वयंप्रकाशित राहावं

तेजाने सन्मान येतो..