स्वप्न
स्वप्न
रात्री गाढ झोपेत
पडतात ती पण
स्वप्न असतात|
टक्क जागेपणी
दिवसा मन:चक्षू ते
दिवास्वप्न बघतात||१||
झोपेत काय पाहावं|
आवाक्यात स्वप्न नसतं|
जागेपणी काय दिसावं|
आपण ठरवलेले असतं||२||
येईल ते निमूटपणे
झेलत असतो आपण|
ठरवून पूर्ण करायचं तर
खेळ नसतोच तो पण||३||
मनासारखी स्वप्न पूर्ण
फार थोड्यांची होतात|
स्वप्न पाहणारे भाग्यवंत
नाही येत कधी गोत्यात||४||
कुणासाठी असतात
स्वप्न फक्त रंजन|
तर कुणाच्या नयनी
वास्तवतेचं अंजन||५||
सुस्वप्न पूर्ण होणार असतील
तर त्याला जीवनात अर्थ उरतो|
नाहीतर नुसतीच ते जागेपणी
पापण्यांसाठी भार व्यर्थ ठरतो||६||