स्वातंत्र्याची समरगाथा

जुलमी बेड्या तोडाया 

सारे धावुनिया आले 

देशा स्वातंत्र्य करण्या 

वीर बलिदान झाले ||१|| 

ज्योत पेटती क्रांतीची 

बंड हे सारे पाहिले 

वीर बलिदानातून 

स्वातंत्र्य असे पाहिले ||२|| 

स्वातंत्र्याची समरगाथा 

या अक्षरांनी लिहिली 

शूरवीरांनी स्वातंत्र्या 

प्राणांची आहुती दिली ||३|| 

भारत माते रक्षण्या 

शूरवीर हे लढले 

प्राणार्पण करूनीया 

वीरमरण हे आले ||४|| 

तिरंगा आज नभात 

फडके ताठ मानेने 

शूरवीरांच्या त्यागाने 

जगतो अभिमानाने ||५||