सूर तुझे माझे
सूर तुझे माझे
लेक म्हणून आली पोटी
माय बाप नशीबा कोसी
पहिली बेटी धनाची पेटी
हे ठावं नव्हतं तयांसी
लेक झाली म्हणूनच
अवलक्षणी ठरली मी
तिथून नशिबाची चक्रे
फिरून अभागी झाली मी
हे जीवना तुला जगताना
सूर तुझे माझे जुळलेच नाहीत
शिक्षणाची माझ्या आबाळ
आईचा ठरले आधार
पाटी पुस्तकांचा हव्यास होई
पण शिकवण्याची नसे तयारी
जीवन जगायचे होते भारी
आईबापांची नव्हती तयारी
मुलीचं जगणं नकोसं झालं
लाजिरवाणे जगणं नशिबी आलं
हे जीवना तुला जगताना
सूर तुझे माझे जुळलेच नाहीत
आईबापाला झालंय ओझं
माझ्या रक्ताच्या नात्याचं
म्हणे करंटे आलीस आमच्या
पोटी नशीब फुटलं आमचं
म्हणे मुलगी झाली म्हणजे
जीवाला कायमचा घोर
मुलगा झाला असता तर
वंशाचा दिवा मिळाला थोर
हे जीवना तुला जगताना
सूर तुझे माझे जुळलेच नाहीत