सुशिक्षित बेकार
सुशिक्षित बेकार
पोटाला चिमटा घेऊन
आईबापानी शिकवले
पदवी प्राप्त होताच
खुशीने मन मोहरले
नाव नोंदवले लगेच
अनेक अर्जही टाकले
परंतु कोणाचेच त्याला
उत्तर नाही आले
वाट पाहता पाहता
आईवडील शिणले
कधी रे कमवणार तू!!
डोळे भरुन आले
दोष कुणाचाच नव्हता
नशीब आड आले
पदवीधर असूनही
काम नाही मिळाले
दैवाची गती कशी
कुणालाच ठाऊक नसते
सुशिक्षित बेकाराचे दुःख
अंतरात सलत असते