स्त्रियांसाठी योजना
स्त्रियांसाठी योजना
अनंतकाळाची माता
जननी या जगताची
मातृत्व लाभ योजना
तिच्या ममतारुपी स्वागताची
गुन्हेगारी प्रवृत्तीला वचक
महिला हेल्पलाईन नंबरची
स्त्रियांवरील अत्याचाराला
तुच वाचा फोड हिम्मतीची
घरकुल सांभाळून मायेनं
कला अवगत बचतीची
घरातील लहान-थोरांसंगे
सजली अष्टभुजा शक्तीची
लेक घरादाराचं चांदणं
काय गरज स्त्री भ्रूण हत्येची
शिकवा हो मुलींना पण
थोडी जाण असू द्या नितीमत्तेची
गरिब मायबहिणींची
सारखी कसरत चुलीवरची
धुराळलेल्या डोळ्यांना साथ
उज्वला गॅस योजनेची
व्हावी कन्या प्रज्ञावान ही ईच्छा
सुकन्या समृद्धी योजनेची
संसार व्हावा सुखी लेकीचा
या एकाच कोमल भावनेची
आजच्या नारीशक्तीला
साथ अनेक योजनांची
प्रगतीच्या पावलांना लाभली
अनंत गती तिच्या स्वप्नांची