माणुसकी
माणुसकी
माणुसकीला माणुसकीचा
आज गंध नसे राहिला
निर्दयतेच्या शुष्क प्रतिमेला
चंदनाचा हार वाहिला
जाणिवांच्या चिते वरती
निर्मम जाळ राहिला
सुखदुःखाच्या पार्श्वभूमीने
मोबाईल मध्ये अंत पाहिला
लेकरास घेऊनी मांडीवर
मेट्रोत बसली माय पहा
थकली भागली धावपळीने
चिमुरड्यास म्हणे उगा रहा
शिंपडा कुणी जाणिवांचे अत्तर
दरवळू द्या माणुसकीचा वारा
मोबाइल म्हणजे सर्वस्व नव्हे
द्या माणुसकीचा हात खरा
सहृदयी असावे मनं सर्वदा
पर दुःखाची जाणीव असावी
मनी उमलावी ज्योत जागती
कर्तव्यातून माणुसकी पाझरावी
बसल्या माय-बहिणी शेजारी
पण दिसल्या बहू स्वकेंद्रित
एक बहीण लेकरासंगे
दिसेना त्यांना मोबाईलच्या तंद्रीत