सोनसकाळ

हिरवे हिरवे तुरे दाटले

मृदुल कोमल पुष्पबनी

दवबिंदूही डोलू लागले 

नाच नाचूनी तयांवरी

पूर्वेला रविकिरणांची

 प्रभा पसरे दवबिंदूंवरी

किरण तोय मीलनानी

तुरे डोलती वा-यावरी

डोल डोलती दवबिंदूंसवे

सुमने हर्षभरे रानोवनी

मित्र प्रभाकर गाली हसे

लज्जित फुलराणी बघूनी

खेळ चाले रोज प्रेमाचा

मजा येई लपंडावातूनी

दिले दृढ आलिंगन पुष्पा

अतीव प्रेमे रविराजानी

खेळ प्रीतीचा निसर्गातला

पाहिला देवांनी स्वर्गातूनी

आशिष देती उभयतांना

नांदा सौख्यभरे म्हणूनी